Kuch Aur Kadam

Koi Muskaan Khayalon Ke Bhavandar dabaye baithi hai,
Koi muskaan pyar ka samunder chupaye baithi hai...

Ye muskaan hoti hi aisi hai,
Jiske liye ho, use apna bana leti hai,
Jindagi ko Jindagi ka lakshya bana deti hai...

Dhundta hu me aisi kisi muskaan ko,
Jise apna keh sakun,
Jise apna sakun, aur sab keh sakun...

Phir kabhi sochta hu me,
Ke muskaan paayi nahi kamai jati hai,
Bina dukh, dard aur chinta ke, iski keemat nahi lagai jati hai...

Ye sabhi, ek dusre ke hisse hain,
Agar ek bhi na ho, to ye paheli adhuri paayi jati hai...

Is kudrat ne ye sab sabhi me baata hai,
Khushiyan har aangan me aati hain,
Dukh sabhi aakhon ko nam karte hain...

Kuch isi tarah har roz hum,
Is jindagi ke safar me kuch aur kadam,
Kuch aur kadam chalte hain...